NJIA HALISI ZA KUUZA BIDHAA MTANDAONI – MWONGOZO WA KIPEKEE KUTOKA DSN TECHNOLOGY
Karibu kwenye DSN TECHNOLOGY – Sehemu ambapo teknolojia hukutana na ubunifu wa kawaida kabisa!
Unataka kuuza bidhaa mtandaoni? Basi acha nikueleze kwa Kiswahili cha kawaida kabisa, cha mtaani, bila maneno mengi ya kitaalamu ya kukuchosha kama vile "B2C digital leveraging automation ecosystem" – maneno hayo yasikupotezee muda, twende kazi!
1 Usiuze bidhaa – Uza suluhisho
Kwanza kabisa, acha ni kuambie kitu kimoja: watu hawataki bidhaa zako – wanataka suluhisho la matatizo yao. Ukiuza sabuni, usiseme "Sabuni yetu ina harufu nzuri" – hiyo ni ya kawaida mno. Sema, "Hii sabuni inamaliza harufu ya jasho hata kama umetoka kukimbia jogoo saa 6 mchana bila deodorant."
Weka bidhaa zako kwenye mtandao kama unamwambia rafiki yako wa karibu – mtu ambaye hana muda wa kusoma maelezo marefu.
2 Tumia Picha Halisi, si za kutoka Google
Usitupie picha ya viatu vya Nike kutoka Pinterest halafu useme "Original kutoka Marekani" – halafu wewe hata passport huna. Chukua simu yako (ndiyo hiyo TECNO CAMON unayotumia selfie), piga picha nzuri ya bidhaa zako – angalia mwanga, usipige usiku halafu uanze kusema "Camera yangu haifanyi vizuri." Weka bidii.
Watu wanataka kuona uhalisia. Wakiiona bidhaa yako iko jikoni kwako, wanakuelewa zaidi kuliko picha za studio.
3 Eleza Kitu kwa Lugha Rahisi
Watu hawapendi kusoma paragraph kama sheria za mitihani. Eleza kitu kama vile:
"Hii ni cream ya ngozi. Unapaka usiku. Siku ya pili, utaamka unajisikia kama umetoka holiday. Ngozi laini kama ya mtoto wa miezi sita."
Rahisi. Inavutia. Na mtu anajua anachonunua.
4 Tumia WhatsApp – Hii Ndio Duka la Sasa
Kama unauza mtandaoni halafu hujaweka WhatsApp number yako – wewe bado upo 2014. Tumia WhatsApp Business. Tengeneza catalogue, weka picha, bei, na maelezo. Ukiona mtu anauliza "Bei ni kiasi?" ujue hujaweka taarifa vizuri.
Bonus tip: Tumia link ya WhatsApp yenye ujumbe tayari kama hii:
https://wa.me/255782056812?text=Habari%2C+nimeona+bidhaa+zako+mtandaoni%2C+na+ningependa+kujua+zaidi.
5 Weka Bei – Usikimbie Swali la "Bei?"
Kuna watu wanaogopa kuweka bei kama vile ni siri ya CIA. Weka bei. Kama ni Tsh 25,000 sema. Kama inategemea size au quantity, sema:
"Kuanzia 25,000 kulingana na ukubwa."
Weka bei hadharani, watu wasichoke kukuuliza.
6 Usiuze Tu – Jenga Familia ya Wateja
Ukitaka wateja warudi tena, usiwauzie kama una madeni ya benki. Wauzie kwa huruma, kwa ucheshi, kwa lugha ya kirafiki. Mfano:
"Karibu sana mteja wangu mtarajiwa, ukinunua leo nitakutumia sticker ya bure ya 'Hakuna Matata' – si unajua maisha ni mafupi!"
Hata kama mtu hawezi kununua sasa, atakukumbuka.
7 Tumia Mitandao kwa Akili – Si kwa Mabishano
Weka bidhaa zako Facebook, WhatsApp Status, Instagram, na hata TikTok. Lakini kumbuka – usitume picha tu. Tengeneza stori, onesha matumizi ya bidhaa, piga video ukiifungua box, au ukiifunga kama unaipeleka kwa mteja. Watu wanapenda kuona kitu live.
Na usitumie mitandao kubishana na watu waliokukwaza. Ukiona mtu ame-comment "Mbona ni bei juu?" usimjibu, "Basi nunua kwako!" – jibu kwa busara:
"Asante kwa maoni yako kaka. Bei inahusisha pia huduma bora na uhakika wa bidhaa. Karibu sana!"
8 Toa Ofa Mara kwa Mara – Lakini Kwa Busara
Ukiwa na ofa kila siku, watu watasubiri ofa tu. Toa ofa halisi – mfano:
"Wateja 5 wa kwanza leo – Punguzo la 10% na delivery bure!"
Hiyo inaleta shauku ya kununua haraka. Pia unawajengea moyo wa uaminifu na furaha.
9 Feedback Ni Dhahabu – Iikusanye na Uionyeshe
Ukishauza bidhaa, muombe mteja aseme alivyopokea. Kisha weka feedback hiyo kwenye status zako au page yako. Ukiona mtu kaandika:
"Asante sana, bidhaa nimeipokea salama na ni nzuri kuliko nilivyofikiria!"
Basi hiyo ni marketing ya bure. Tumia.
10 Mwisho Kabisa – Usiogope Kuanza na Kidogo
Hata kama una bidhaa 2 tu, anza nazo. Hata mimi niliandika post hii nikiwa na laptop moja na kahawa upande wa kushoto. Lakini najua nitaifikia dunia nzima kupitia blogu yangu ya DSN TECHNOLOGY. Na wewe pia unaweza.
TUNAWEZA SEMA:
Kuuza bidhaa mtandaoni sio miujiza – ni juhudi, ubunifu, lugha ya kawaida, na kusikiliza wateja. Usijifanye kampuni kubwa, jifanye mtu wa kweli anayejali. Watu wanapenda mtu wa kawaida anayefanya biashara kwa moyo.
Kama umejifunza kitu hapa, basi hakikisha unatembelea tena DSN TECHNOLOGY kwa makala zingine bomba kama hii. Usisahau kushare post hii kwa yule rafiki yako anayepanga kuanza kuuza buti za Mitumba lakini kila siku anasema "Natafuta mtaji."